Scharlachrot - Patent Ochsner

Die isch ja filmryf, die Szene i dere Frytignacht.
Dr Mond isch es wysses runds Loch U luegt zur
Wösch us wien'i. Hie bini lang elei gsi u ha
Fläsche ghöut,Schtunde zeut i däm
viu z'grosse Bett U ha gseh wie sech d'Wäut
wacker dräit...Nume nid um mi!

U jitzt bisch du cho, grad jitz, woni's nümm
hätti dänkt,u luegsch dry, wie wenn's
öppis z'gwinne gäb für die u
für mi:Im schlimmschte Fau nume'ne Nacht!

I boue mir mini Tröim uf rund um di,u male se
scharlachrot a.I brönne mir di NameZ'mitts i
mis Härz.Chönnt schwöre, dass i
ewig blybeWe üs nüt drzwüsche
chunnt.

Bälpmoos - Patent Ochsner

I schtah jede tag da usse
gseh die flüger cho & gah
häbe d nase i di chauti morgeluft
wo nach trybschtoff schmöckt
& dr näbu chläbt über dr schtartbahn
& uf dr schtartbahn hocke möwe
& ds fäud isch wyss vom ryf
I gseh uus wie ne pilot
i myre bruune bomberjagge
& em wysse sydeschal
I weiss es haargenau
I ha die type lang gnue schtudiert
scho als chlyne giel
bin I samschti für samschti
ging da usse gsi
& ha modällflugzüg
i himmel ufegschickt
I ha’s scho denn gwüsst
irgendeinisch gahn I o
bälpmoos - schpick mi furt vo hie
bälpmoos - mir isch’s glych wenn & wie
es fahrt e schwarzi limousine vor
& ne gschalete chauffeur
schleppt goffere & schwäri täsche
umenang
& ne rychi runzlegi sou im pelz
schtygt gschtabig uus
shit
dene ghört d wäut
bälpmoos - schpick mi furt vo hie
wenn I die chance hätt
& ds gäut
I gieng a ds kap der guten hoffnung
I ha ir schwyzer illuschtrierte einisch
bilder gseh
& när chäm I nie meh zrügg
hätt e insle & ne frou
& alles won I miech
würd I mache wüll I’s wott
& nid wüll’s angeri wie
ersch rächt nid wüll I müesst
bälpmoos - schpick mi furt vo hie
bälpmoos - mir isch’s glych wenn & wie